A touz ces qui verront ces presentes lestres, Regnauz chambellains garde du seaul Monseigneur le Conte de Neverz en la prevosté de Danzi, Salut en Nostre Seigneur. Saichent tuit que pour devant Huguenin Maichere de Clameci, nostre clerc juré au dit seaul, establi en leu de Nous oir et recevoir en leu de Nous, les choses dessouz escriptes, que recogneu communement et en droit, diz Gasteblez et Aalez sa feme aus avoir vendu et en non de pure et de pardurable vente quitié et lessié a religieus hommes, au prieur de Beaularry (1) et à ses moines pour aus et pour leurs successeurs, une pièce de terre séant entre Prélone et Champboysart (2), pour le pris de cinquante souz de Tournois, es diz vendeurs j'ai quités et bien paez en bons deniers, des ques deniers le dit vendeur renuncant pour devant le dit juré a exception de pecune non nombree a aus, a esperance dan nombrer, se tenant pour bien pae et en quitencant perpetuelment les diz acheteurs et touz leurs successeurs et touz leurs successeurs et touz ces qui hont ou auront cause d'aus, en aus baillent tout le droit, la saisine et le propriété de la dite terre vendue pour le baul de ces lestres. Et promeirent li dit vendeur pour leur foi douce en la main don dit juré sur la prise de leurs propres cors, sur l'obligation, la prise vencon et esploit de touz leurs biens meubles et non meubles (3) présens et à avenir, tenir et garder ceste vencon et ceste quitance senz venir encontre pour aus ne pour autre, et garentir et deffendre es diz acheteurs et à leurs successeurs et à touz ces qui hauront cause d'aus en juigement et hors juigement toutes fois qu'il sera mestiers vers touz et contre touz la dite pièce de terre frainchement, et rendre et restorer au seimple serement des diz acheteurs et de leurs successeurs et de touz ces qui hauront cause d'aus toutes pardes et touz ... et mises qui seront faites pour deffault de la garentie non mie faite. Et ont souzmis li dit vendeur pour devant le dit juret, quant a ceu, aus, leurs hoirs (4) et touz leurs biens dessus diz et à la jurisdiction mon seigneur le Conte de Neverz dessus diz et à la cohercion dou dit seaul renuncer à exception de fraude, voyde et malice, à toute lésion, déception outre la moitié dou droit pris et a [to]ut ceu expressement qui povoit en ce fet rappaler es diz vendeurs, aydier et à l'autre partie grever et nuire. Au témoin de la quelle chose nous avons scelle ces presentes lestres dou dit seaul à la relation dou dit clerc nostre juré. Donné le mardi devant Pasques flories, en l'an de grace mil deux cenz quatre vinz et sesze.